Agnar Prestá
Grimsby Town er í gongd við eitt steypaævintýr. Liðið úr fjórðbestu deildini stendur seg ógvuliga væl í minnu ensku steypakappingini, EFL Cup.
Geza David Turi legði upp til eitt mál, tá Shrewsbury varð sent út í fyrsta umfarinum, sum Grimsby var við í.
Síðani feldi Grimsby Manchester United eftir brotssparkskapping í einum dramatiskum dysti, sum gav felagnum nógva umrøðu.
Sí eisini: Geza og Grimsby sendu Manchester United úr eftir brotssparkskapping
Føroyski miðvallarin skoraði trygt í brotssparkskappingini í síðsta umfari. Í gjár sat Geza David Turi á bonkinum allan dystin, tá Grimsby vann á útivølli móti Sheffield Wednesday.
Liðið er í næstbestu ensku deildini, men liðið úr League Two var omaná. Tað endaði 1-0 til Grimsby á Hillsborough.
Harvið eru Geza Turi og hinir víðari til 4. umfari - áttandapartsfinalurnar í EFL Cup.
Vinarliga broyt tínar kennifíla - og privatlívsstillingar fyri at síggja hetta innihald