Michal Przybylski leingir við NSÍ

- Vit í NSÍ eru sera fegin um at kunngera, at 27 ára gamli Michal Przybylski hevur longt sáttmálan við felagið við tveimum árum, so at hann framhaldandi kemur at bera tí gulu blusuna til og við 2027.

Soleiðis skrivar NSÍ á Facebook-síðu sínari í kvøld. 

Michal kom aftur til NSÍ, áðrenn kappingin í ár fór í gongd, og spældi hann tilsamans 26 dystir og fekk 9 mál fyri Betri hópin.

Í byrjanini var tað nakað við 1. deild eisini: Álopskendi miðvallarin skuldi koma fyri seg eftir álvarsaman skaða, sum kundi oyðilagt nógv av hansara framtíðar leið sum fótbóltsspælari.

Í ár hevur hann eisini roynt seg aðrastaðni á vøllinum

- Michal er kendur fyri sínar álopskendu dygdir á miðvøllinum, men í ár slapp hann eisini at royna sínar verjukendu dygdir, tá ið hann tók nakrar dystir sum miðverji, tá ið skaðar gjørdu um seg. Sjálvt um hann kom væl frá uppgávuni, er tað neyvan nøkur loyna, at Michal dámar betur at brúka tíð í 16 metrinum hjá mótstøðuliðnum enn í sínum egna, skrivar NSÍ.

Karstin Joensen, formaður, saman við Michal Przybylski (Mynd: NSÍ)