Fótbóltur

Myndir: Stór móttøka fyri NSÍ'arunum eftir søta sigurin á Malta

Nógv viðhaldsfólk møttu upp, tá bussurin kom til Løkin. Síðani vóru røður, "rógving" og annað á skránni. Sí myndir, sum Hjalmar Jóhan Juul tók.

Facebook-síðan hjá NSÍ skrivar, at tað vóru nógv viðhaldsfólk, bæði stór og smá, savnaðist við Løki (Mynd: Hjalmar Jóhan Juul/NSÍ)

2026-07-18 20:04

Agnar Prestá

Á Malta tordu spælarar, venjarar, viðhaldsfólk og leiðsla hjá NSÍ ikki veruliga at fegnast um sigurin. Hetta vegna ónøgdina, sum maltesar vístu eftir dramatiska endan á seinna Conference League-dystin millum liðini, sum NSÍ vann 2-1.

Skelkandi uppliving á Malta: Tordu ikki at fegnast um søguliga sigurin (samrøða)

Sí eisini: Eyka løgreglufólk á Malta :Áskoðarar kastaðu ting á vøllin og umringaðu bussin hjá NSÍ

Men í Føroyum var lagamanni at fegnast. Og fríggjakvøldið tóku viðhaldsfólk felagsins ímóti hópinum, eftir eitt "fantastiskt avrik á Malta". Hetta var fyrstu ferð, at NSÍ spældi seg víðari yvir tveir dystir í Evropa.

Les eisini: NSÍ søguligan sigur á Malta eftir magháttligt brotsspark í 94. minutti

Facebook-síðan hjá NSÍ skrivar, at tað vóru nógv viðhaldsfólk, bæði stór og smá, savnaðist við Løkin, tá bussurin við hópinum kom aftur av Malta í gjárskvøldi.

Borgarstjórin, Tórbjørn Jacobsen legði fyri við røðu áðrenn Jens Martin Knudsen, fyrrverandi stórspælari hjá NSÍ og pápi núverandi liðformannin Petur Knudsen, slapp framat.

Petur eftir sigurin á Malta: - Hetta vísir styrki og teir verða straffaðir

Tað var sjálvur maðurin handan avgerandi brotssparksmálið, sum endaði hendan partin - eftir formann og høvuðsvenjari. Teir greiddu frá túrinum og takkaðu fyri stuðulin.

At enda tók Sammy Skytte yvir. NSÍ skrivar, at danin, sum á Malta byrjaði inni hjá NSÍ fyri fyrstu ferð, fekk øll at seta seg saman á vøllinum, og gera nokk verðinskendu siðvenjuna hjá Norska fótbóltslandsliðnum - at rógva.

Nú hyggja NSÍ'arnir fram til uppgávuna móti Koper úr Slovenia. Fyrru dysturin verður spældur í Klaksvík hóskvøldið.

Sí myndir niðast, sum Hjalmar Jóhan Juul tók við Løkin í gjár

---------------------------------------------------------

Conference League 2. umfar
Fyrri dysturin, hósdagin 23. juli við Djúpumýru
19.45: NSÍ - FC Koper

Seinni dysturin, hósdagin 30. juli
19.45: FC Koper - NSÍ

Sí eisini: Eftir megnaravrikið á Malta: NSÍ skal spæla móti liði úr Slovenia

------------------------------------------------------------