NSÍ heldur fram at leggja trýst á

Fyrsti dysturin í 21. umfari í fremstu mansdeildini varð spældur á Eiði í kvøld. Har vitjaði NSÍ, og tað gekk skjótt fyri seg.

Eftir 28 minuttir var 1-2. Andras Olsen skoraði málið hjá EB/Streymi eftir hornaspark - í báðum málunum hjá NSÍ sást, at Jónas á Hædd í EB/Streyma málinum spældi sín fyrsta Betrideildardysti. 19-ára gamli klaksvíkingurin spældi ístaðin fyri Jóannes Davidsen, sum ikki var tøkur.

Michal Przybylski og Daniel Obbekjær skoraðu hesi málini fyri NSÍ í sambandi við deyðbóltsstøður. Hjá Michal var talan m triðja dystin á rað við einum máli, og hevur miðvallarin gjørt fimm mál seinastu seks umførini.

Skaðadarvaður seinastu árini men Michal er av álvara komin fyri seg, sum hetta kappingarárið er liðið (Mynd: NSÍ)

Á FM1 ber til at hoyra samrøður við Sigfríða Clementsen (EB/S) og Aron Knudsen (NSÍ), sum Trygvi Absalonsen gjørdi eftir dystin.

EB/Streymur vísti annars fleiri góðar taktir í kvøld og hótti við jøvnum millumbili NSÍ. Eins og í Sarpgerði sunnudagin (1-1) var talan um gott avrik hjá Sigfríði Clementsen og hansara monnum; millum annað við vælskipaðum verjuspæli.

Teir gulu høvdu tó tamarahald á móti endanum á Eiði, og við einum veruligum høggi, nakað til høgru av brotsteigarmarkinum, í yvirtíðini setti Jasper van der Heyden eitt flott punktum.

Níggjundi Betrideildardysturin á rað hjá NSÍ uttan tap: Jens Wedeborg og hansara menn vilja enda væl við einum 2. plássi. Hetta kann geva evropeiskar og fíggjarligar fyirmunir næsta ár.

NSÍ hevur seks stig upp til KÍ, men oddaliðið hevur tveir dystir til góðar - gloppið er ov langt. Tað eru nú trý stig niður til HB í nevnda stríðnum um 2. plássið. Harafturat hevur NSÍ so mikið nógv betri málúrttøku, at tað er sum eitt stig eyka í fyrimuni. Tí er nakað meira trýst á HB undan dystinum móti TB í morgin.

Allir hinir dystirnir í umfarinum verða spældir í morgin. Síðani verður landsliðssteðgur.

Betrideildin 21. umfar
Í kvøld, fríggjadagin 29. august
EB/Streymur - NSÍ 1-3 (1-2)
12' Michal Przybylski (Jann Benjaminsen) 0-1
18' Andras Olsen (Mórits Heini Mortensen) 1-1
29' Daniel Obbekjær (Aron Knudsen) 1-2
90 (+1)' Jasper van der Heyden 1-3

Meira um dystin sæst her

Á FM1 ber til at hoyra samrøður við Sigfríða Clementsen (EB/S) og Aron Knudsen (NSÍ), sum Trygvi Absalonsen gjørdi eftir dystin.

Í morgin, leygardagin 30. august
13.30: FC Suðuroy - KÍ

14.00: TB - HB

17.15: 07 Vestur - B36

18.30: B68 - Víkingur

Støðan: