Fótbóltur

Odmar hevur leikbann til dystin móti Gibraltar - Gullbrandur avloysir hann

Seint í dystinum móti Kroatia fekk Odmar Færø gult kort, og tað var nummar tvey í undankappingini hjá stinna miðverjanum. Harvið verður útskifting nú í føroyska hópinum.

Odmar Færø kom fyri nógv og spældi ein flottan dyst, men tað kostaði næsta dystin, tá verjuspælarin yvirsatsaði eitt sindur í takkling (Mynd: Sverri Egholm)

Odmar Færø kom fyri nógv og spældi ein flottan dyst, men tað kostaði næsta dystin, tá verjuspælarin yvirsatsaði eitt sindur í takkling (Mynd: Sverri Egholm)

2025-09-05 22:48 Author image
Agnar Prestá
placeholder

Man sá tað á andlitið hansara. 35-ára gamli miðverjin visti, hvat klokkan hevði sligið: Hann hevði gjørt eitt fríspark, sum greitt var til gult kort, og hetta var annað gula kortið hjá Odmari Færø í HM-undankappingini. 

Tað er nóg mikið til leikbann, og harvið verður Odmar Færø ikki við, tá føroyska ferðalagið fer úr Vágum seint seinnapartin í morgin við kós móti Gibraltar.

Les meira um 0-1 tapið á Tórsvølli í kvøld her

Gullbrandur Øregaard kemur við ístaðin. 23-ára gamli miðverjin og liðformaðurin í Sandnes Ulf hevur spælt tveir A-landsdystir: Ein í ár (í Georgia) og ein í fjør - báðir venjingardystir.

[object Object]
Gullbrandur Øregaard í venjingardystinum í Georgia í juni, tá hann spældi 90 minuttir (Mynd: Sverri Egholm)


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder