Play-off: Víkingur endar helst í Dublin

Norðurírsku meistararnir og norðurírski høvuðsstaðurin í 3. umfari, og mest sannlíkt írsku meistararnir og írski høvuðsstaðurin í play-off umfarinum í Conference League.

Hetta vita vit nú eftir lutakastið hjá Víkingi til play-off umfari í Conference League.

Um føroyameistararnir senda Linfield út í 3. umfari, har fyrrri dysturin verður á Tórsvølli hóskvøldið, er hetta av skránni: 

Taparin av HNK Rijeka (Kroatia) - Shelborune FC (Írland)

Hesi liðini eru í 3. umfari av Europa League nú - taparin rýkur niður í Conference League til play-off umfari

Taparin av Rijeka-Shelbourne í 3. umfari í Europa League skal spæla móti vinnaranum av Víkingi - Linfield sum hittast í 3. umfari í Conferene League (Skíggjamynd: UEFA) 

Á pappírinum eitt rímiligt lutakast hóast betri møguleikar vóru enn hetta hjá Víkingi.

Shelbourne gjørdist írskur meistari í 2024 - kappingin koyrir eins og í Føroyum eftir kalendaraárið. Í løtuni er liðið tó nummar 5 í deildini, sum er styrkismett níggju pláss frammanfyri Føroyar. 

Dystirnir í play-off umfarinum verða sum útgangspunkt spældir 21. august og 28. august.

Víkingur tekur ímóti Linfield á Tórsvølli hósdagin 7. august klokkan 19. Atgongumerki kunnu keypast her. Seinni dysturin millum liðini í 3. umfari verður spældur í Belfast hósdagin 14. august.