Stroyming: Kyndil roynir seg móti kroatiskum stórfelagi

Kyndilsmenn eru í løtuni staddur í Norðurmakedónia, har teir spæla í venjingarkappingum móti feløgum, sum til dagliga spæla á væl hægri stigi.

Sí eisini: Kyndil spælir í kvøld fyrsta dystinum í sterkari fyrireikingarkapping

Kyndil, sum ikki hevur høvuðsvenjaran og ei heldur alla manningina við, tapti greitt í fyrsta dystinum í gjár. Hetta var móti vertunum Ohrid.

Nú er talan um kroatiska mótstøðu. RK Nexe er vanliga við í oddinum har og spælir við í evropeiskum kappingum.

Dysturin byrjar klokkan 15 og sæst omanfyri ella her. Stroymingin er á skilung.fo - Skil Ung hevur verið við at staðið fyri túrinum.