Váttað: StÍF og Jesper Bak steðga samstarvinum

Í gjárkvøldið bóru vit søguna um, at StÍF skuldi hava nýggjan venjara til besta mansliðið.

Sí eisini: StÍF skal hava nýggjan venjara til besta mansliðið

Í kvøld hevur felagið váttað, at ein venjarabroyting verður framd. 

Jesper Bak hevur staðið á odda á Skála síðani oktober 2023, tá hann kom úr VÍF - bæði hjá Burn-liðnum og hjá ungdómi. Eisini hevur 40-ára gamli danin verið virkin sum ungdómslandsliðsvenjari hjá Hondbóltssambandinum.

Stranda Ítróttafelag skrivar soleiðis á síðu sínari kvøld

StÍF og venjarin, Jesper Bak, steðga samstarvinum.

Jesper hevur verið venjari hjá besta mannsliðnum og havt ábyrgdina av menningini á ungdómssíðuni.

Vit vilja takka Jesper fyri tað arbeiðið, sum hann hevur gjørt fyri felagið, og ynskja honum bestu eydnu á hondbóltsyrkisleið hansara.

Felagið hevur ikki fleiri viðmerkingar í løtuni, og vit kunna meira, so skjótt nýggjur venjari er funnin.