Video: Margháttliga og avgerandi brotssparkið hjá NSÍ á Malta

- Spæl til dómarin floytar.

Hetta hevur mangur fótbóltsspælari fingið at vita, men tað fylgdi liðformaðurin hjá Hamrun Spartans ikki í avgerandi løtu í kvøld.

Emerson nart bóltin við hondini upp, áðrenn nakað varð dømt, og domarin úr Luksemborg var ivaleysur:

Brotsspark til NSÍ.

Teir hjá heimaliðnum óskiljandi og í luftuni, tí teir mettu, at bólturin var farin út, áðrenn Tobias Hestad fekk bóltin innfyri málið.

Á myndunum og upptøkunum sær tað eisini út til at vera greitt, at bólturin var úti - er í endurtøku omanfyri. Men sum vit skila, var linjuverjin (hjálpardómarin í høgru síðu) heldur langt frá støðuni, okkurt blokeraði útsýni, og eingin dømdi málspark.

Les eisini: NSÍ søguligan sigur á Malta eftir magháttligt brotsspark í 94. minutti

Conference League 1. umfar - seinni dysturin
Hósdagin 16. juli á Centenary Stadium, Ta Qali
Hamrun Spartans - NSÍ 1-2 (0-1) - Samanlagt 2-3
43' Michal Przybylski 0-1
53' Ante Coric 1-1
90(+4)' Petur Knudsen 1-2

Meira um dystin her

Dysturin endaði við umstríddari hending, drama og nógvum maltesiskum ónøgdsemi. Fýra gul kort komu í yvirtíðini, og leiðsla og fjepparar gjørdu eisini vart við seg.

Men eftir stendur eisini, at NSÍ gjørdi sítt. Petur Knudsen skoraði søguliga málið á Malta - ógvuliga trygt. Tíverri er tað málið ikki við á brotinum hjá Malta Sport, sum vit hava fingið fatur á.

Si tað omanfyri.

NSÍ vann 2-1 i nógva hitanum og skal spæla móti mótstøðuliði úr Slovenia næstu tvær vikurnar.

---------------------------------------------------------

Conference League 2. umfar
Fyrri dysturin, hósdagin 23. juli við Djúpumýru
NSÍ - FC Koper

Seinni dysturin, hósdagin 30. juli
FC Koper - NSÍ

Sí eisini: Eftir megnaravrikið á Malta: NSÍ skal spæla móti liði úr Slovenia