Video: Njótið løtuna og haldið fokus

Í mars 2017 varð føroysk fótbóltssøga skrivað, tá tað fyri fyrstu ferð eydnaðist einum føroyskum ungdómslandsliði at spæla seg til eitt EM endaspæl.

Hetta var eitt stórt ítróttabragd - eisini tí at bert átta lið vóru við til sjálvt endaspælið, sum var í Kroatia.

Í undan-undankappingini vunnu Føroyar á Kekkia og spældu javnleik móti Luksemborg, og í millumspælinum vunnu føroysku U17 dreingirnir á Slovakia og spældu javnleik móti Kýpros. Hetta rakk til EM

Tríggir av teimum, sum vóru við tá, Hanus Sørensen, Andrias Edmundsson og Bárður á Reynatrøð, eru nú partur av A-landsliðnum.

Í FSF Varpinum greiða teir tríggir núverandi A-landsliðsspælararir, hvussu teir upplivdu kappingina í Kroatia fyri átta árum síðani. Eisini hava teir onkur góð ráð til U17 genturnar, ið nú skulu royna seg í einum endaspæli.

Sí videobrotið ovast ella HER

Nú Føroyar eru vertir fyri U17-EM hjá gentum, verður tað harvið aðru ferð, at eitt føroyskt fótbóltslið verður við í einum endaspæli. Føroyar fingu plássið sum vertir

Umframt Føroyar, vera Spania, Holland, Noreg, Pólland, Eysturríki, Italia og Frankaríki við í kappingini í Føroyum.

Sí eisini: EM-endaspælið í Føroyum verður størsta uppgávan nakrantíð

Fyrsti dysturin verður á Djúpumýru í Klaksvík sunnudagin 4. mai klokkan 15, tá Eysturríki og Holland bresta saman. Seinni á degnum, klokkan 18, taka okkara gentur ímóti Noregi á Tórsvølli. Sí alla skráina niðanfyri