Anna Brændstrup hevur spælt fyrsta dystin fyri OB

Anna Carolina Brændstrup er aftur í donskum fótbólti eftir eitt ár í Portugal.

Har var føroyski landsliðsmiðvallarin nær við at vera við at vinna á Gli Vicente sæti í bestu portugisisku deildini. Anna Brændstrup skoraði millum annað í fyrra røkkstøkk-dystinum um uppflyting, men tað endaði við samanlagt teprum tapi.

Hon skoraði eisini avgerandi málið, tá Føroyar vunnu á Georgia á Tórsvølli í apríl, og hevur 21-ára gamli spælarin vunnið sær fast sæti í føroyska landsliðshópinum. Samanlagt hevur arbeiðssami spælarin 13 A-landsdystir.

Anna Brændstrup og hinar fegnast um málið í 90. minutti - tað einasta í HM-undankappingingardystinum móti Georgia (Myndir: Sverri Egholm)

Nú skal hon royna seg í OB. Áður hevur Anna, sum er uppvaksin í Danmark, spælt fyri feløg sum Brøndby, FC Nordsjælland og í vaksnamannafótbólti HB Køge.

Boð eru eftir føroyinginum, hvørs røtur serliga eru í Klaksvík og Norðyggjum, á Fjóni. Og Anna Brændstrup sigur við ob.dk, at ynski var at koma aftur til Danmarkar, har hon heldur at royndir hennara seinastu tíðina - millum annað frá landsliðnum - kunnu koma OB til góðar.

Og tá ein tími var spældur í heimadystinum móti FCK í gjár, leygardagin, kom tann níggja nummar 9 hjá OB á vøllin. Tá var strøðan 1-1. Tað endaði 2-1 til OB í Odense.

Talan var um 2. umfar í A-liga, sum er besta danska deildin. OB hevur vunnið báðar dystirnar, og harvið hevur nýggja liðið hjá Annu Brændstrup fult stigatal, eins og gamla felagið (HB Køge) og er á 2. plássi.

Tvær av teimum yngru og evnaríku úr Føroyum spæla við FC Nordsjælland. sum eisini spælir í A-liga. 17-ára gamla Sara Benjaminsen (uppvaksin í Skála ÍF) kom inn í javnleikinum móti Brøndby í gjár, og 16-ára gamla Kára Sigurðsson kom inn í 1. umfari móti OB.

Kára Sigurðsson (t.v) og Sara Benjaminsen (t.h.) hava gjørt vart við seg á fleiri ungdómslandsliðnum - her eftir dyst í U17 EM-endaspælinum í Føroyum (Mynd: Sverri Egholm)