Agnar Prestá
KÍ gjørdist í 2023 fyrsta, og higartil einasta føroyska liðið, sum spældi seg í eitt evropeiskt bólkaspæl. Hetta kom í hús við tveimum flottum samanlagdum sigrum móti Ferencvaros og Häcken í fyrstu umførunum. Harvið var KÍ tryggjað bólkaspæl í Conference League - hóast liðið tapti í teimum báðum næstu umførunum.
Í 2020 og í 2024 var KÍ ein sigur frá - í 2020 í Europa League har tað endaði við 3-1 tapi fyri Dundalk í Dublin, og í 2024 í Helsinki har reytt kort og tvey sein mál ímóti kostaðu Conference League-deildarspæl.
Í 2022 og í 2025 tapti KÍ í brotssparkskapping í 3. umfari í kappingini; tað vil siga beint fyri røkkstøkkumfarið (play-off).
Nú stendur liðið úr Klaksvík aftur á gáttini. Í 2. umfari í Champions League var møguleikin at tryggja sær eitt deildarspæl, men Kauno Zalgiris vann ógvuliga tøttu uppgerðina 1-0.
Móti Lech Poznan varð KÍ samanlagt hølvað av, og nú eru lettisku meistararnir á skránni. Riga FC sendi í síðstu viku ungarsku meistararnar Györ út, og er beinleiðis uppgerð um deildarspæl á skránni. Her er nógv uppá spæl, í mun til ítróttarligu ætlanirnar og tað fíggjarliga.
Jonn Johannesen: - Hetta er seinasti dystarbóltur hjá okkum í Evropa
Gott útgangsstøði skal fáast í lag í Klaksvík í kvøld, og er tað serliga týðandi fyri liðið hjá Magnusi Powell, tí alt verður avgjørt í Riga um eina viku.
Hjá KÍ er Gilli Rólantsson Sørensen ivasamur, afturat teimum profilunum sum framvegis eru skaddir. Dysturin við Djúpumýru, mitt í tættari dystarskrá hjá KÍ, byrjar klokkan 18.30.
Les eisini: KÍ kann aftur spæla evropeiskan dyst í Klaksvík
Conference League røkkstøkk umfar - fyrri dysturin
Við Djúpumýru, hósdagin 20. august
18.30: KÍ - Riga FC (Lettland)
Frásøgn: FM1
Livescore: portal.fo
Samrøður og annað frá dystinum vera á báðum pallunum í kvøld
Vinarliga broyt tínar kennifíla - og privatlívsstillingar fyri at síggja hetta innihald