Agnar Prestá
Løgin atburður, uttanum allar mannagongdir og leiðreglar og "einaræðis líknandi atburður, sum fer fram".
Hesar vóru nakrar av lýsingunum, sum Christian Andreasen nýtti um Gianni Infantino, tá hann var í FM1-rásarúminum í dag.
FSF-forsetin var gestur hjá Ronnie Thomassen í B36-Varpinum, sum í dag tó ikki snúð seg um B36. Evni var óskilið í og kring FIFA - og serliga nógv umrødda forsetan.
Ein forseta, sum Fótbóltssambandið ikki endaligt hevur tikið stuðul sín til aftur - men álitið á mannin á ovastu rók í altjóða fótbólti. er rokið, kundi Christian Andreasen staðfesta.
- Øll evropeisku londini hava tikið frástøðu til ætlanirnar hjá honum um at lata privatar íleggjarar eiga part av HM-endaspælið, og fótbólti. Tað skaðar trúvirði og kann sum heild verða sera skaðiligt fyri fótbólt.
Christian Andreasen vísti eisini á løgnu avgerðirnar sum friðarheiðursløn til Donald Trump, sum Infantino av sínum eintingum tók støðu til, strikað leikbann undir HM og annað og annað.
- Har er ikki komið nakað mótvalevni til forsetavalið næsta ár, og vit bíða við at síggja, hvussu verður við tí, sigur FSF-forsetin.
Sí videobrot ovast
Hoyr alla sendingina á leinkjuni niðanfyri:
B36-Varpið: Infantino nærkast endaspælinum
Vinarliga broyt tínar kennifíla - og privatlívsstillingar fyri at síggja hetta innihald